Зеленски пристигна во турската престолнина Анкара на разговори со претседателот Реџеп Таип Ердоган.
Украинскиот претседател излезе од авионот и на пистата беше пречекан од припадници на турската војска.
Се очекува за еден час да се одржи билатералната средба меѓу Зеленски и Ердоган.
По излегувањето од авионот, украинскиот претседател Володимир Зеленски одржа краток говор на пистата на аеродромот Есенбога во Анкара.
Тој додаде дека Украина е во контакт со американската делегација во врска со преговорите со Русија.
За руската делегација во Истанбул, Зеленски рече: „Официјално не знам на кое ниво се претставниците. Но, според она што го видовме, тие изгледаат како статисти“.
Зеленски додаде дека Украина ќе одлучи за следните чекори по средбата со турскиот претседател Реџеп Таип Ердоган.