Дваесет војници загинаа, а неколку се повредени во експлозија на муниција во воена база во западна Камбоџа, соопшти премиерот Хун Манет.
#BREAKING Cambodia PM says 20 soldiers killed in an ammunition explosion in their base pic.twitter.com/Eu4qVFeXir
— Guy Elster (@guyelster) April 27, 2024
Тој во објава на Фејсбук рече дека бил „длабоко шокиран“ кога ја добил веста за експлозијата во базата во провинцијата Кампонг Спеу, но не сподели детали за причината за експлозијата. Премиерот на Камбоџа изрази сочувство до семејствата на војниците и вети дека владата ќе ги плати нивните погреби и ќе ги обештети загинатите и повредените, пренесува АП.
Сликите од местото на настанот покажуваат дека пожарот во уништената зграда се уште не е целосно изгаснат, како и повредените војници кои се лекуваат во болница.
Манет, дипломиран на американската Воена академија во Вест Поинт, беше унапреден во генерал со четири ѕвезди непосредно пред да биде избран за премиер, наследувајќи го неговиот автократски татко Хун Сен.