Најмалку 19 лица загинаа, а 17 се повредени во експлозија на метан во рудник за јаглен во иранската провинција Јужен Хорасан, јави иранската државна телевизија.
Претходно медиумите објавија дека 12 лица се повредени во експлозија во иранскиот рудник.
Триесет луѓе се уште се заглавени во рудникот Маданџо, јавува Ројтерс.
Во блоковите Б и Ц на рудникот, кои беа погодени од експлозијата, во тој момент се наоѓале вкупно 69 лица. На местото е во тек спасувачка операција, јавува иранската државна агенција Мехр.
Експлозијата во источен Иран се случила во саботата околу 21 часот по локално време во еден од рудниците во градот Табас, на околу 540 километри југоисточно од Техеран, пренесува АП.
19 killed, nearly 70 injured in mine #blast in #Iran’s North Khorasan province. https://t.co/kSkzSJCXpG pic.twitter.com/TYjD4XqZJR
— H2 News Agency (@h2newsagency) September 22, 2024
Ова не е прва ваква несреќа што ја снајде иранската рударска индустрија, потсетува американската агенција.
Во 2009 година таму загинаа 20 работници во повеќе несреќи, додека во 2017 година најмалку 42 лица ги загубија животите во експлозија во рудник за јаглен.
АП укажува на недоволно високи безбедносни стандарди и несоодветни служби за итни случаи во рударските области во Иран.
Иран е богат со различни руди и годишно троши околу 3,5 милиони тони јаглен, но ископува само околу 1,8 милиони тони годишно.