Вработена во Канцеларијата на ОН за координација на хуманитарни прашања (OCHA) го опиша она што го видела во болницата Ал-Акса во Газа како сцена на „тотален масакр“ каде што луѓето умираат додека чекаат лекарска помош.
Џема Конел изјави за Би-Би-Си дека има многу повредени луѓе со „исклучително лоши рани, но кои не се лекуваат бидејќи има толку многу луѓе пред нив во редот за операција и болницата е апсолутно преоптоварена“.
WHO today visited Al-Aqsa Hospital, where scores of injured people were taken overnight following strikes in central #Gaza, including in the vicinity of the Maghazi refugee camp.
Palestinian health authorities reported that 70 people were killed, while Al-Aqsa Hospital staff… pic.twitter.com/B5503C82CT
— Tedros Adhanom Ghebreyesus (@DrTedros) December 25, 2023
„Трагично е, видов деветгодишно момче со катастрофална повреда на главата, кое почина“, рече Конел.
Израелската војска ги засили операциите против исламистичката група Хамас во Појасот Газа, откако израелскиот премиер Бенјамин Нетанјаху за време на турнејата на силите во затворениот крајбрежен појас изјави дека Израел „ќе ја интензивира борбата во наредните денови“.
Според Министерството за здравство во Газа, кое е под контрола на Хамас, во израелската воена операција досега се убиени повеќе од 20.600 луѓе.
За време на израелската офанзива беа уништени големи делови од Газа.