Портпаролот на израелската војска Даниел Хагари изјави дека израелските воздухопловни сили вечерва „ќе нападнат силно на Блискиот Исток“.
„Израелскиот и американскиот систем за противвоздушна одбрана ефикасно одговорија на иранските ракети. Иран изврши сериозен чин вечерва и го турка Блискиот исток во ескалација. Вечерашниот настан ќе има последици“, повтори тој.
Нов тип хиперсонична ракета првпат е употребена во вечерашниот напад врз Израел, соопшти иранската Револуционерна гарда.
Во соопштението, корпусот на иранската револуционерна гарда (ИРГЦ), исто така, тврди дека 90 отсто од неговите проектили успешно ги погодиле целите. Ова е во спротивност со израелските извештаи. И советникот за национална безбедност на Белата куќа го нарече нападот „неефикасен“.
ИРГЦ соопшти дека ракетата Фатах, која беше дизајнирана и произведена од Техеран и претставена минатата година, била дел од баражот оган што ги погодил израелските градови. Името на проектилот на арапски значи „освојувач“ или „донесувач на победата“.
Минатата година се најде на насловните страници откако се појавија извештаи дека проектилот може да носи нуклеарни боеви глави доколку е потребно, иако тоа не е потврдено.
По нападот, стотици Иранци излегоа на улиците на Техеран за да го прослават нападот во кој беа истрелани речиси 200 проектили кон Израел.