На социјалните мрежи се појави драматично видео од базен на покривот во Бангкок, во моментот кога се случи разорниот земјотрес.
На видеото се гледа како луѓето уживаат во базенот на покривот на зградата. Двојка е на душек во вода, додека луѓето се околу нив на лежалки. Во еден момент сè почнува да се тресе – мирната вода во базенот се вознемирува и се формираат бранови, а луѓето брзаат да излезат од базенот.
CCTV footage from a swimming pool in a building in Bangkok during yesterday's earthquake.#Thailand #Bangkok #แผ่นดินไหว #EarthquakeThailand #Earthquakes #Earthquake pic.twitter.com/qoFqZXxBGg
— Thai Enquirer (@ThaiEnquirer) March 29, 2025
Разорниот земјотрес со јачина од 7,7 степени според Рихтеровата скала го погоди Мјанмар во петокот, а беше почувствуван и во Бангкок.
Најмалку 1.000 луѓе загинаа во Мјанмар и најмалку 10 во главниот град на Тајланд, додека спасувачите се обидуваат да ослободат повеќе од 100 луѓе за кои се верува дека се затрупани под градежни урнатини.