Над 5.000 луѓе загинаа, а 10.000 се водат како исчезнати откако обилните дождови во североисточна Либија предизвикаа уривање на две брани, испраќајќи повеќе вода во веќе поплавените области.
Тарик ал-Караз, претставник на владата, рече дека цели населби биле однесени и многу тела биле однесени од морето.
Тој додаде дека очекува бројот на загинати да се искачи над 10.000. Истиот број го спомена и Меѓународната федерација на Црвениот крст и Црвената полумесечина.
As a result of the floods in #Libya, at least 5.3 thousand people died, the state news agency LANA reported, citing the Ministry of Internal Affairs.
10 thousand people are considered missing, says Tamer Ramadan, a representative of the International Committee of the Red Cross.… pic.twitter.com/OadpqkWZDC
— NEXTA (@nexta_tv) September 12, 2023
Тамер Рамадан, шеф на делегацијата на Меѓународната федерација на Црвениот крст и Црвената полумесечина во Либија, рече дека бројот на загинати е огромен.
Во источниот град Дерна, кој претрпе најголемо уништување, дури 6.000 луѓе се уште се водат како исчезнати, изјави за либиската телевизија Алмасар Отман Абдулџалил, министер за здравство во источната администрација на Либија. Тој ја нарече ситуацијата „катастрофална“ кога го обиколи градот во понеделникот.
Болниците во Дерна не работат, а мртовечниците се полни, изјави Осама Али, портпарол на службата за брза помош.
Телата биле оставени пред мртовечниците на тротоарите, додаде тој за Си-Ен-Ен.
„Нема служби за итни случаи. Луѓето во моментов работат на собирање на телата“, рече Анас Баргати, лекар кој моментално волонтира во Дерна.