Уругвајскиот претседател Хозе Мухика, кој важи за најскромен претседател во светот, е снимен како во текот на интервју дава пари на еден бездомник.
На записот се гледа како питачот приоѓа до претседателот и му бара монета, а тој со образложение дека нема ситни пари му дава 100 уругвајски пезоси.
Воодушевениот бездомник му вели засекогаш да биде претседател на што Мухика се насмевнува и му одговара дека е луд.
Претседателот на Уругвај го нарекуваат „најсиромашен претседател на светот“ бидејќи користи само 10 проценти од својата плата, а останатото го дава за хуманитарни цели.
Од платата која изнесува 12.500 долари, тој задржува само 1.250.
-Задоволен сум од овој свој износ, бидејќи во Уругвај многумина живеат со многу помалку, вели Мухика, кој и својата сопруга ја замолил да го направи истото.
Уругвајкиот претседател и неговата сопруга живеат на фарма во Монтевидео, а негов најголем „удар“ врз државниот буџет било купувањето на автомобилот „буба“, која чини 1.945 долари.
Е. Г.