На јавноста и е позната една од теориите на завера, дека она што се случи на 11-ти септември 2001 година во САД, е дело на американската влада, а не напад на Ал Каеда.
Неодамна на „Јутјуб“ се појави снимка од удар на авион во една од кулите близначки, која беше објавена по несреќата, но со нови коментари и детали кои на прв поглед не се воочливи.
Авторот нагласува дека не знае дали видеото е вистина и вели дека оригинална приказна има многу дупки.
Тој појаснува дека е невозможно авион да ја пробие челичната структура на зградата и како со нож да ја пресече, како што се гледа на снимката.
Другата нелогичност според него се однесува на крилата на авионот, кој поминува зад зградата, наместо пред неа, што укажува дека снимката е фотомонтажа и има грешка.
Видео записот за само неколку дена е прегледан два милиони пати.
Е. Г.