Полицијата во американската сојузна држава Минесота соопшти дека три лица, меѓу кои и осомничениот, се убиени при пукањето што се случи вчера вечер во хотелот Супер 8. Вработен во хотел во градот Клоке пронашол уште еден вработен со повреди и се јавил на 911 околу 18.30 часот. По пристигнувањето полицијата пронашла 22-годишна жена со прострелна рана. Таа била пренесена во болница, каде набргу починала.
Полицајците потоа пронашле мртов маж во автомобил на паркингот во хотелот. Станува збор за 35-годишен маж, кој исто така починал од прострелни рани. Набрзо бил лоциран и осомничениот за нападот, кој бил пронајден мртов пред имотот на хотелот. Од полицијата велат дека напаѓачот се самоубил, пишува CBS News.
Надзорните камери во хотелот го потврдија идентитетот на осомничениот, но полицијата се уште не знае што точно го предизвикало овој инцидент. Истрагата е во тек. Идентитетот на жртвите и осомничените ќе биде објавен откако ќе бидат известени нивните семејства.