Најмалку три лица се избодени со нож во напад кој се случи денеска во јужниот дел на Лондон. Полицијата засега го третира инцидентот како тероризам, а напаѓачот е ликвидиран, јавуваат странските медиуми.
„Напаѓачот е ликвидиран, а во оваа фаза можеме да кажеме дека неколку лица се избодени. Ги истражуваме околностите, а инцидентот е поврзан со тероризам“, се наведува во соопштението на полицијата.
Според непотврдени информации, напаѓачот имал некаков предмет врзан за градите.
Граѓаните се предупредени да ја избегнуваат областа Стритхем, во јужниот дел на Лондон, која ја надгледуваат хеликоптери.
Нападот следува два месеца откако полицијата застрела џихадистички терорист кој на Лондонскиот мост избоде две лица.