ВИДЕО: Трамп потпиша забрана за трансродовите спортисти во женска конкуренција

Од:

Американскиот претседател Доналд Трамп потпиша извршна наредба за забрана на трансродовите жени да се натпреваруваат во женски спортови. Регулативата содржи упатства, регулативи и правни толкувања, а Трамп ја потпиша опкружен со деца.

Републиканците велат дека ова ја враќа правичноста кон спортот. Регулативата, која стапува на сила веднаш, во голема мера ги опфаќа средните училишта, универзитетите и масовниот спорт. Голем број спортски управни тела, вклучително и пливање, атлетика и голф, веќе им забранија на трансродовите жени да се натпреваруваат во женски спорт на елитното ниво доколку поминале низ машки пубертет.

Регулативата го овластува Министерството за образование да испита како образовните институции го спроведуваат Глава IX, закон на САД кој забранува полова дискриминација во образовните програми финансирани од федерално ниво. „Ако дозволите мажи да влезат во женски спортски тимови или ги окупираат вашите соблекувални, ќе бидете под истрага за прекршување на Глава IX и ќе го ризикувате вашето федерално финансирање“, објасни Трамп.

Претставник на администрацијата на Трамп потврди дека Соединетите Држави ќе направат се што можат за да ги спречат трансродовите жени да се натпреваруваат против жени на натпреварите на Меѓународниот олимписки комитет што се одржуваат на американско тло.

Трамп прецизираше дека регулативата ќе важи и за Олимписките игри во Лос Анџелес во 2028 година. Белата куќа соопшти дека оваа регулатива е во согласност со желбите на американскиот народ и ќе обезбеди правичност за жените во спортот, како и нивна безбедност.

Помалку од 1% од населението на возраст над 13 години во САД е трансродово, според студијата на Институтот UCLA Вилијамс. На 20 јануари, неговиот прв ден на функцијата, Трамп потпиша посебна извршна наредба со која се изјавува дека федералната влада ќе прифати само два пола – машки и женски.

Би можело да ве интересира

Политико: Трамп наводно го убедил Орбан за Украина, Будимпешта негира

Трамп е подготвен да воведе економски санкции врз Русија

Трамп со нова закана до Пекинг: Ќе ви воведам царина од 200 отсто

Јужнокорејскиот претседател: Се плашев дека ќе завршам како Зеленски пред средбата со Трамп

Трамп ќе го промени името на Министерството за одбрана

Путин е подготвен да се сретне со Зеленски, под услов на состанокот навистина да се одлучи нешто, вели Лавров

Горан Наумовски