(ВИДЕО) Трамп покажа кон Путин: „Кој е тоа? Тоа е мојот пријател“

Од:

Американскиот претседател Доналд Трамп и рускиот претседател Владимир Путин се сретнаа на самитот на АПЕК во Шенжен, Кина, при што кратка размена на зборови – забележана на видео – привлече внимание.

Гледајќи го Путин, Трамп прокоментира: „Кој е ова? Ова е мој пријател. Мило ми е што те гледам“.

Оваа средба се случува пред планираните разговори меѓу двајцата претседатели, кои треба да се одржат по пленарната сесија на самитот на АПЕК – одвоено од заедничката средба со кинескиот претседател Си Џинпинг.

Американски претставник потврди дека се планирани одвоени разговори, додека советникот на Путин за надворешна политика, Јуриј Ушаков, изјави дека се очекува да учествуваат и неколку членови на американската и руската делегација, пренесува Ројтерс.

Портпаролот на Кремљ, Дмитриј Песков, претходно навести дека не се планирани опсежни билатерални преговори, туку неформални разговори на маргините на самитот. Сè уште не е потврдено дали Трамп и Путин ќе имаат можност да разговараат без присуство на нивните соработници. Ова би била нивна прва одвоена средба по нивниот разговор на Алјаска во 2025 година, за време на кој не успеаја да постигнат договор за ставање крај на војната во Украина.

За денеска е предвидена и заедничка средба на Трамп, Путин и Си Џинпинг, за која од Кремљ наведоа дека се очекува да трае помалку од еден час. Ушаков изјави дека тројцата претседатели ќе разговараат за тоа како соработката меѓу големите светски сили би можела да придонесе за подобрување на глобалната ситуација.

„Малку е веројатно дека лидерите ќе избегнат разговор за Украина“, изјави Ушаков, додавајќи дека може да стане збор и за други долготрајни конфликти.

Од Кремљ исто така соопштија дека се во тек подготовки за завршна изјава, која се очекува да биде објавена по средбата на тројцата претседатели.

Би можело да ве интересира

Си го смести Трамп до себе, а Путин подалеку на вечерата – реагираше Кремљ

Путин: Азија станува центар на светската економија, Си повика на укинување на трговските бариери

Европа стравува дека Трамп и Путин ќе договорат мир без Украина и ЕУ

Сибиха: Украина очекува Трамп и Си да го искористат своето влијание врз Путин за да ја завршат војната

Милиони документи на Дојче банк откриваат спорните врски на Епстajн, Трамп и руските олигарси

Горан Наумовски

Кремљ: Веќе се подготвува завршна изјава по средбата меѓу Трамп, Путин и Си