Новоизбраниот американски претседател Доналд Трамп утринава изјави дека ќе се сретне со рускиот претседател Владимир Путин „многу брзо“ откако ќе ја преземе функцијата следната недела. Тој не даде термин за средбата, која ќе биде прва меѓу лидерите на двете земји од почетокот на руската војна со Украина во февруари 2022 година.
Прашан за неговата стратегија за завршување на војната, Трамп изјави за Newsmax: „Па, има само една стратегија и тоа зависи од Путин. Не можам да замислам дека е премногу воодушевен од начинот на кој сето тоа помина бидејќи не му одеше баш најдобро.
„Знам дека сака да се сретнеме, и јас ќе се сретнам со него многу наскоро. Ќе го направев тоа порано, но… прво морам да влезам во канцеларија.
Американскиот конгресмен Мајк Волц, идниот советник за национална безбедност, во неделата изјави дека очекува разговор меѓу Трамп и Путин во „наредните денови и недели“.
Руската инвазија на Украина остави десетици илјади мртви, милиони раселени и ја предизвика најголемата криза во односите меѓу Москва и Западот од Кубанската ракетна криза во 1962 година.
Швајцарија и Србија веќе понудија да бидат домаќини на ваква средба, сепак и од Кремљ и од Вашингтон велат дека нема детали и договор на локацијата.