Една полицајка е убиена, а 24 лица се повредени откако неколку експлозивни направи беа детонирани на полноќ во Лвов, во западна Украина, објави денес украинската полиција.
„Прелиминарно, беше утврдено дека се детонирани рачно изработени експлозивни направи“, објави полицијата на Телеграм, пренесува Ројтерс.
Властите го опишаа инцидентот како терористички напад, пренесува Киев Индепендент. Пред експлозиите немаше тревога за воздушен напад.
Authorities in Lviv, Ukraine are responding after multiple explosions rang out. According to the mayor, a 23 year old police officer has been killed and more than a dozen people are injured. Reports indicate that officers were called to a location and an explosion occurred… pic.twitter.com/ZHvG8FYwqi
— OSINTdefender (@sentdefender) February 22, 2026
„Ова беше терористички напад. Петнаесет жртви во моментов се хоспитализирани“, изјави претходно градоначалникот на Лвов, Андриј Садовиј.
Експлозиите се случија во близина на историскиот центар на градот, а силата на детонациите ги скрши прозорците на околните згради. Репортер на Киев Индепендент од терен ги слушна експлозиите околу 00:25 часот по локално време.
Several powerful explosions have rocked Lviv, and they were heard in different parts of the city. There was no air raid alert declared in the area, according to the Unian news agency. pic.twitter.com/aCnqcfvMPd
— Hromadske Int. (@Hromadske) February 21, 2026
Националната полиција на Украина соопшти дека експлозиите се случиле откако полицајците пристигнале на местото на настанот по повик. Обвинителството на регионот Лавов објасни дека полицајците реагирале на пријава за провала во продавницата кога се случила првата експлозија. Втората следела кога на местото на настанот пристигнала друга полициска екипа.
„Според прелиминарните информации, убиена е 23-годишна полицајка. Оштетени се патролно возило и цивилно возило“, објави обвинителството.
Властите сè уште ја проценуваат ситуацијата и сè уште не објавиле кој би можел да стои зад смртоносниот напад.