Во серија напади со огнено оружје во Виена, вечерва се ранети најмалку седум луѓе, а официјално едно лице загинало. Полициската пресметка со терористите се уште трае на улиците на австрискиот главен град, а локалните извештаи, кои се менуваат од минута во минута, неофицијално јавуваат и за три до осум жртви.
Цел на нападите, според првичните извештаи, била Еврејската заедница во Виена, која има канцеларии во близина на синагогата на виенскиот Шведенплац. Но, оваа информација се покажа како неточна, а полицијата подоцна јави дека напаѓачите дејствувале на шест различни локации во центарот на градот.
Според виенската полиција, напаѓачите се вооружени со пушки, еден припадник на полициските сили е ранет, а загинатиот бил еден од терористите.
CONFIRMED at the moment:
*08:00 pm: several shots fired, beginning at Seitenstettengasse
*several suspects armed with rifles
*six different shooting locations
* one deceaced person, several injured (1 officer included)
*1 suspect shot and killed by police officers #0211w— POLIZEI WIEN (@LPDWien) November 2, 2020
Министерот за внатрешни работи Карл Нехамер потврди дека се работи за терористички напад со повеќе сторители и дека е во тек голема акција за неутрализирање на преостанатите напаѓачи.
На дел од снимките кои жителите на Виена ги снимија од прозорците на своите домови, се гледаат и напаѓачите.
Полицијата ги повика граѓаните да останат во своите домови или да ги избегнуваат сите јавни места во центарот на Виена.