Телата на лидерот на Хамас во Газа, Мохамед Синвар и десет негови соработници се пронајдени во тунел во Кан Јунис, објави саудискиот ТВ канал Ал-Хадат, повикувајќи се на извори.
Ал Хадат, исто така, објави дека командантот на бригадата Рафа, Мохамед Шабана, бил убиен во израелските напади заедно со Синвар.
☪️ 🇮🇱 Israel's attack on a command building in the European Hospital complex in Khan Yunis targeted Mohammed Sinwar, brother of Yahya Sinwar. The strike, like Operation New Order that killed Nasrallah, used dozens of bunker-busting bombs. pic.twitter.com/qjwUUZfpBp
— nextmars (@Nexttmars) May 14, 2025
Пред приближно пет дена, ИДФ и Шин Бет извршија напад врз милитантите на Хамас кои беа лоцирани во комплексот под Европската болница во Кан Јунис. Цел на нападот бил Синвар, според Ал-Хадат.
Мохамед Синвар е палестински политичар и воен командант кој е лидер на Хамас во Појасот Газа од октомври 2024 година, откако неговиот брат Јахја Синвар беше убиен во војната Израел-Хамас.
Роден е во 1975 година во бегалскиот камп Кан Јунис, а познат е и како водач на бригадите Ал-Касам, военото крило на Хамас.
Синвар беше вклучен во киднапирањето на израелскиот војник Гилад Шалит во 2006 година и преживеа повеќе обиди за атентат на Израел. Израелските служби го сметаа за еден од клучните организатори на нападот врз Израел на 7 октомври 2023 година и еден од најбараните лица во Газа, со награда од 300 илјади долари (269 илјади евра) за информација каде се наоѓа.