Во Париз цела ноќ траеја нередите поради убиството на момчето Наел М., кое имаше само 17 години. Тој е убиен од полицаец кој е во притвор и под истрага.
Додека граѓаните на Париз протестираа на улиците, на социјалните мрежи се појави видео од пукањето. На него се гледа жолт автомобил управуван од тинејџер и двајца полицајци со вперени пиштоли во него. Еден од нив вели „Ќе ти пукам во глава“. Автомобилот тргнува, а потоа се слуша истрел.