И покрај тоа што е речиси половина од април, месец кој повеќето луѓе го поврзуваат со пролетта, утрово во турскиот главен град паѓа обилен снег.
It snows in Ankara in mid-April pic.twitter.com/W25pICcR5r
— Ragıp Soylu (@ragipsoylu) April 11, 2025
Турскиот новинар Рагип Сојлу објави видео од Анкара со натпис: „Во Анкара врне снег во средината на април“.
Метеоролозите вчера предупредија на обилни врнежи и силни ветрови. Гувернерот на Анкара, Васип Шахин, вчера најави дека сите образовни институции во турската престолнина денеска ќе бидат затворени поради очекуваните временски услови.
Според неговата објава на социјалните мрежи, прогнозите покажуваат дека снегот ќе почне да паѓа во раните утрински часови и ќе продолжи до пладне, со можни акумулации и до 15 сантиметри во некои делови од градот. Најавени се и удари на ветер од 40 до 60 километри на час.
„Со цел да ги заштитиме нашите деца од можни неповолни услови, одлучено е да се прекине наставата во сите јавни и приватни образовни институции, како и во сите образовни центри под јурисдикција на нашиот гувернер“, рече Шахин.