ВИДЕО: Скандал во Германија, новинарка се мачкаше со кал за да личи како да помагала во поплавите

Од:

Новинарка од Германија е отпуштена откако на социјалните мрежи се појави снимка на која се гледа како таа се мачка со кал пред вклучувањето во живо, пред да јави дека помагала во чистењето на последиците од катастрофалните поплави во градот Бад Минстерајфел.

Додека чекаше да се вклучи во живо на телевизијата РТЛ, 39-годишната репортерка Сузана Олен, намерно се мачка со калта, за да изгледа како да се вклучила во активностите за расчистување на поплавениот град. Откако прво си ја извалка облеката, Олен намачка од калта и на лицето.

Пред да биде објавена скандалозната снимка, направена од случаен сведок, телевизијата го објави прилогот на Олен под наслов „Чистење по поплавата: Репортерката на РТЛ помага во расчистувањето на Бад Минстерајфел“.

Телевизијата се извини за неетичкиот потег на нејзината новинарка.

„Пристапот на нашата репортерка е во спротивност со нашите принципи и стандарди. Поради тоа, ја отпуштивме новинарката веднаш штом слушнавме што направила“, велат од РТЛ.

Во катастрофалните поплави кои зафатија делови од Германија минатата недела, загинаа 128 луѓе.

Би можело да ве интересира

Поплави во долината Неретва

Македонка избодена до смрт од сопругот во Германија, сведок бил 8-годишниот син

Катерина Ѓуровски

Напад во германската гимназија: Ученик со нож ги нападнал пријателите

Горан Наумовски

Во Германија не може да се влезе со стариот македонски пасош

Катерина Ѓуровски

32-годишен Македонец убиен во Германија, настрадал во тепачка со Еритрејци

Катерина Ѓуровски

Крај на драмата во Германија: Полицијата уапси лице по кое трагала 25 години

А1он