Авион МиГ-23 од советско производство се урна за време на аеромитинг во Мичиген.
Борбениот авион настапуваше на аеромитинг во близина на аеродромот Вилоу Ран кога пилотот изгуби контрола над леталото.
Во неделата на аеродромот се одржа воздухопловното шоу „Гром над Мичиген“, при што неколку авиони, меѓу кои и МиГ-23, изведуваа различни воздушни маневри. МиГ-23 е застарен авион кој ја вооружуваше авијацијата на СССР, но е во борбена употреба во неколку други армии низ светот.
Портпаролот на настанот изјави за Локал 4 дека МиГ-23 се урнал пред станбен комплекс. Пилотите во авионот се катапултираа и се пронајдени.
Нивната состојба засега не е позната.