Руската армија објави дека првпат во Украина употребила суперсонични ракети, а потоа објави и снимка од видео кое го прикажува уништувањето на бункерот кој бил цел на нападот.
Портпаролот на руското Министерство за одбрана Игор Конашенков изјави дека „на 18 март, авионскиот систем „Кама“ (Бодеж) со суперсонични ракети уништи голем подземен склад со проектили и муниција на украинските воздухопловни сили во Делатин, во областа Ивано-Франковск во западна Украина.
Видеото беше објавено и на Твитер. Снимката jа објави руското Министерство за одбрана, а на неа е прикажано, како што велат, уништувањето на украинскиот подземен бункер.
Официјална Москва тврди дека овој тип проектили е предизвик за системите за противвоздушна одбрана бидејќи брзината му е до 10 мах или околу 12.000 км/ч, па затоа неговто маневрирање го отежнува или оневозможува пресретнувањето, иако некои западни воени експерти изјавија дека Русија претерува можностите на ова воздушно оружје.