Во Киев и поширокиот регион сè уште се санираат последиците од масовниот руски напад. Ангажирани се сите неопходни служби. Само во главниот град се оштетени дваесет станбени објекти. Работите за санација по нападите продолжуваат и во Лвовската област, како и во други региони на нашата земја, вели во обраќање на социјалните мрежи претседателот на Украина Володомир Зеленски, а откако Русија изврши масовен напад користејќи и „Орешник“.
In Kyiv and the region, the aftermath of the massive Russian strike is still being dealt with. All necessary services are deployed. Twenty residential buildings alone were damaged. Recovery operations after the strikes also continue in the Lviv region and other regions of our… pic.twitter.com/AMkwfKHOkC
— Volodymyr Zelenskyy / Володимир Зеленський (@ZelenskyyUa) January 9, 2026
– За жал, засега е потврдено дека само во Киев загинале четири лица. Меѓу нив има и член на екипа на Итна медицинска помош. Изразувам најдлабоко сочувство до нивните семејства и најблиски. Десетици луѓе се повредени. Имаше и втор напад врз еден станбен објект – токму во моментот кога првите спасувачи укажуваа помош по првиот удар. Вкупно, изминатата ноќ беа употребени 242 дрона. Исто така, беа истрелани 13 балистички ракети насочени кон енергетски објекти и цивилна инфраструктура, една балистичка ракета со среден дострел „Орешник“, како и 22 крстосувачки ракети. Нападот се случи токму за време на значителен студен бран – директно насочен против нормалниот живот на обичните луѓе, вели Зеленски.
Тој напиша и дека во моментов се прави сè што е можно за да се обнови снабдувањето со греење и електрична енергија за населението.
– .Покрај цивилната инфраструктура и енергетските објекти, синоќа со руски дрон беше оштетена и зградата на Амбасадата на Катар – држава која вложува значителни напори во посредување со Русија за ослободување на воени заробеници и цивили што се држат во руски затвори. Потребна е јасна реакција од светот. Пред сè од Соединетите Американски Држави, чии сигнали Русија навистина ги слуша. Русија мора да добие јасни пораки дека има обврска да се фокусира на дипломатијата и мора да ги почувствува последиците секогаш кога повторно се определува за убиства и уништување на инфраструктурата. Денешниот напад е уште еден силен потсетник за сите наши партнери дека поддршката за украинската противвоздушна одбрана е траен приоритет. Не смее да се изгуби ниту еден ден – ниту во испораките, ниту во производството, ниту во договорите. Денес ќе ги информираме нашите партнери на сите нивоа за случувањата и за мерките што се неопходни како одговор, порачува украинскиот претседател.