Три ракети биле истрелани кон американската амбасада во Багдад, во заштитената и утврдена зона на ирачката престолнина, соопштија тамошните власти.
Во моментов не е јасно дали има повредени, но потврдено е дека е предизвикана материјална штета и уништени се неколку возила на паркингот во амбасадата, јави АП пренесувајќи изјава на службеник кој побарал анонимност.
Video shows what appears to multiple waves of rockets targeting the US Embassy in #Baghdad while the C-RAM guns attempt to neutralise the rockets pic.twitter.com/FErWZWGBy8
— ??Iraq & Middle East Updates (@IraqLiveUpdate) December 20, 2020
Американската амбасада одговорила со активирање на одбранбениот противракетен систем C-RAM, поставен ова лето за да ги одбие се почестите обиди за ракетирање на американското дипломатско претставништво во ирачката престолнина.
Нападот предизвика стравувања поради можни немири во пресрет на годишнината од атентатот врз генералот Касим Сулејмани, командант на иранската Револуционерна гарда, кој беше ликвидиран по наредба на Вашингтон на 3 јануари годинава, недалеку од аеродромот во Багдад.
Поради страв од одмазда пред првата годишнина од убиството на Сулејмани, САД наредија намалување на бројот на службеници во амбасадата во Багдад.
BREAKING : US Embassy in Baghdad #Iraq targeted with barrage of Katyusha Rockets and mortar shells.
Video shows some getting intercepted. It’s 9 pm in Baghdad now .. @BBCWorld @trtworld pic.twitter.com/DG8rskkYtW
— imene ( Rümeysa Nur ) (@tturk_01) December 20, 2020
Зачестеноста на ракетните напади против САД по атентатот врз Сулејмани предизвика загриженост кај администрацијата на Трамп и обвинувања против вооружените, проирански шиитски групи.
Вашингтон во септември предупреди дека ќе ја затвори својата амбасада во Багдад доколку ирачката влада не преземе решителни чекори за спречување на ракетните и други напади од проирански формации врз американските цели и интереси во земјата.