Во интервју за руската телевизија и агенцијата Associated press, рускиот претседател Владимир Путин не ја исклучи можноста Русија да ја поддржи резолуцијата на ОН за напад на Сирија, но само ако постојат цврсти докази на експертскиот тим за употреба на хемиско оружје ис страната на сириската војска.
Тој ги отфрли тврдењата на САД, дека режимот на Башар ел Асад користел хемиско оружје во нападот на предградието на Дамаск на 21. август.
-И порано кажав дека е апсолутно смешно војската на Сирија која е во офанзивна позиција во некои региони, која ги опколи бунтовниците и е пред конечна победа, да користи забрането хемиско оружје, рече Путин.
-Дури и САД имаат експерти кои се сомневаат во валидноста на она што таму беше претставено како доказ за употреба на хемиско оружје. Тие експерти не ја исклучуваат можноста дека бунтовниците имаат изведено таков напад како би ги испровоцирале западните сили воено да интервенираат, рече Путин.
Путин потврди во интервјуто дека Русија на асадовата војска му има испорачано дел од нарачаните ракети С -300, но кажа и дека другиот дел од испораката сега е стопирана.
Рускиот претседател посочи дека снимките од хемискиот напад во Дамаск се ужасни, но според него дилемата е кој го направил тоа.
Тој кажа дека го дели мислењето дека снимките всушност се компилација направена од бунтовниците кои се поврзани со Ал Каеда, што според него го знаат и безбедносните сили на САД.