Рускиот претседател Владимир Путин го посети командантот на руската армија во Украина и други високи офицери, откако Украина објави успех во контраофанзивата на југоисточното бојно поле.
„Владимир Путин одржа состанок во седиштето на групата за специјални воени операции во Ростов на Дон“, се вели во соопштението на Кремљ.
Putin held a meeting at the headquarters of the special military operation group in Rostov-on-Don – he heard reports from Chief of the General Staff Gerasimov, commanders of areas, and senior officers of the group. https://t.co/jKiZkWTuxy pic.twitter.com/HmCdRUIZvy
— Victor vicktop55 (@vicktop55) August 19, 2023
Кремљ додаде дека Путин слушнал извештаи од Валери Герасимов, началник на Генералштабот на армијата, кој е и врховен командант на силите во Украина, и други високи воени команданти и офицери.
Претходно Украина, чиј напредок во нејзината контраофанзива е побавен од очекуваното, објави дека ослободила мало село првпат од јули. Кремљ не соопшти никакви дополнителни детали за средбата и не е јасно кога се одржала.
На видеата објавени од државната новинска агенција РИА, се гледа како Герасимов го поздравува Путин, очигледно ноќе, и го води во зградата откако се ракува.
Герасимов, кој ретко се појавуваше во јавноста во последните месеци, беше цел на остри критики од водачот на платеничката група Вагнер, Евгениј Пригожин и некои руски воени блогери за неговиот неуспех во војната против Украина.
Командата на рускиот јужен воен округ се наоѓа во Ростов на Дон, град на околу стотина километри од украинската граница.