Пукање и експлозии се слушаат во суданската престолнина Картум, по неколкудневната тензија меѓу озлогласените паравоени сили во земјата и армијата на земјата, пишува Би-Би-Си, а конфликтот настана поради предложената транзиција кон цивилно владеење. Ројтерс јавува дека се слушаат пукотници во близина на штабот на армијата во центарот на градот. Паравоените сили за брза поддршка (РСФ) соопштија дека ја презеле контролата врз аеродромот и претседателската палата. Овие тврдења не се потврдени.
Khartoum (Sudan) Right now 👇🏻 pic.twitter.com/1o2B5inygG
— Aprajita Choudhary 🦋 (@aprajitanefes) April 15, 2023
Претходно РСФ објави дека бил нападнат еден од нивните кампови во јужниот дел на Картум. Од друга страна, суданската армија соопшти дека борците на РСФ се обидуваат да го заземат воениот штаб.
„Борците од Силите за брза поддршка нападнаа неколку воени кампови во Картум и на други места низ Судан“, новинската агенција АФП го цитираше портпаролот на бригадата Набил Абдалах.
„Конфликтите се во тек и армијата ја извршува својата должност да ја заштити земјата“, рече тој.
Новинската агенција Ројтерс, исто така, се повикува на изјави на сведоци дека има пукање во северниот град Мероу. Телевизијата „Аларабија“ објави снимки од чад што се издига од воен камп таму, јавува Ројтерс. Генералите ја водат земјата, преку она што се нарекува Суверен совет, од пучот во октомври 2021 година.
РСФ е под команда на потпретседателот на Советот, генералот Мохамед Хамдан Дагал. Армијата, пак, ја предводи генералот Абдел Фатах ал Бурхан, кој го предводи Суверениот совет. Според предложената транзиција кон цивилна влада, РСФ ќе биде интегрирана во суданската армија. РСФ сакаше да го одложи за 10 години, но армијата рече дека тоа треба да се случи за две години.
تدمير مقر قيادة قوات الدعم السريع المتمردة
النصر لنا – حسم المعركة #تمرد_اولاد_دقلو pic.twitter.com/Kk26vxvJTE— يوميات المارشال (@proudSud) April 15, 2023
Западните сили и регионалните лидери ги повикаа двете страни да ги намалат тензиите и да се вратат на разговорите насочени кон враќање на цивилното владеење. Во твит, американскиот амбасадор Џон Годфри рече: „Итно ги повикувам високите воени лидери да ги прекинат борбите“.
Опишувајќи ја ситуацијата во градот, тој рече дека „се разбудил од длабоко вознемирувачките звуци на пукотници и борби. Моментално се засолнувам со тимот на амбасадата, како што тоа го прават Суданците низ Картум и на други места“.
Руската амбасада исто така соопшти дека е загрижена поради „ескалацијата на насилството“ и повика на прекин на огнот, пренесува Ројтерс.
Со државниот удар во 2021 година заврши период од повеќе од две години кога воените и цивилните лидери ја поделија власта. Овој договор беше постигнат откако долгогодишниот авторитарен судански претседател Омар ал Башир беше соборен од власт. По државниот удар во Картум редовно се одржуваат продемократски протести.