Доналд Трамп, поранешниот американски претседател и веројатен републикански кандидат на претстојните претседателски избори, е снимен првпат по обидот за атентат врз него на неговиот митинг во Пенсилванија.
На X е објавено видео од неговото симнување од авион. Трамп во нападот беше полесно повреден и му беше укажана помош во болница, по што беше отпуштен. Пет часа по нападот тој одлета на непозната дестинација, објавија американските медиуми, но по слетувањето било соопштено дека пристигнал во Њу Џерси.
Strong and resilient. He will never stop fighting for America. pic.twitter.com/B9yR3SLQJV
— Margo Martin (@margommartin) July 14, 2024
Трамп претходно изјави дека бил застрелан во „горниот дел од десното уво“ и дека „имало многу крварење“. Во објавата на својата социјална мрежа Truth Social, тој им се заблагодари на Тајната служба и полицијата за нивниот „брз одговор“. „Најважно, сакам да изразам сочувство до семејството на загинатиот учесник на митингот, како и до семејството на уште едно лице кое беше тешко повредено“, истакна тој.