За десетина дена над нашето небо ќе прелета кометата C/2011 L4 Panstars, на која и требало неколку милиони години да допатува од Ортовиот облак, огромна колонија на ледени објекти која се наоѓа на надворешната граница на Сончевиот систем.
Во моментот кометата е можно да се види од јужната земјина хемисфера со телескопи, а за жителите на северната земјина полутопка таа ќе биде најсјајна во периодот од 8 до 24 март.
Над Европа, според најавите на астрономите, кометата ќе може најдобро да се види на 12 и 13 март, кога ќе помине покрај Месечината.
Жителите на Земјата ќе можат повторно да ја видат кометата Панстарс дури за 110.000 години.