Шумскиот пожар што беснее во близина на северозападната граница на Националниот парк Јосемити во Калифорнија, вчера зајакна и се доближува до две шуми со џиновски секвои.
Пожарникарите ја расчистуваат ниската вегетација и ги облеваат со вода со цел да ги заштитат стотината дрвја, кои се симбол на паркот.
Досега совладани се само пет проценти од пожарот што избувна на 17 август и зафати над 500 квадратни километри површина. Над 2.600 пожарникари учествуваат во акцијата за гаснење на огнот.