Владините згради на одредени американски држави се евакуирани, втор ден по ред, бидејќи на нивните адреси пристигнала закана за поставени експлозивни направи, а проверката покажала дека пријавите се лажни.
Зградата на Капитол и Врховниот суд во сојузната држава Мисисипи, како и судниците во Арканзас и Монтана се меѓу оние чии адреси добиле порака за можна поставена експлозивна направа, пренесуваат агенциите.
ФБИ е свесен за бројни инциденти на лажни закани, рече Марши Лосон, портпарол на одделот Џексон на ФБИ, во соопштението, додавајќи дека ќе продолжи да работи со локални, државни и федерални партнери за спроведување на законот.
Окружниот суд во Пуласки во центарот на Литл Рок, како и судот во округот Каскад во Грејт Фолс, Монтана, беа евакуирани изутрината, а на персоналот и на луѓето им беше дозволено да се вратат набргу по извршената проверка.
И Окружниот суд на правдата, во северозападна Монтана, исто така беше евакуиран откако округот доби закана од бомба преку е -пошта.
Претходниот ден, извештаите за бомбата пристигнаа на е-пошта на службените лица во неколку американски држави, пренесува Танјуг.