Пожар избувна во болница во предградие на Рим, при што загинаа најмалку три лица, соопштија денеска локалните власти. Властите наредија евакуација на установата и пациентите.
#Tivoli #Roma, intervento #vigilidelfuoco dalle 23 di ieri per un incendio nell’ospedale San Giovanni Evangelista. Evacuata la struttura, anche con l’ausilio delle autoscale. Sono 4 le vittime accertate. Fiamme spente, operazioni in corso [#9dicembre 5:25] pic.twitter.com/ryxVfcYQ8e
— Vigili del Fuoco (@vigilidelfuoco) December 9, 2023
Државната телевизија РАИ објави дека две лица починале од вдишување чад, а третото од срцев удар. Пациентите на интензивна нега во болницата Св. Јован Евангелист (Сан Џовани Евангелиста) во Тиволи веднаш биле префрлени во други болници со брза помош, се вели во соопштението за печатот од канцеларијата на градоначалникот на Тиволи. Помалку критични пациенти беа преместени во блиската општинска сала.
Пожарот избувнал вчера доцна вечерта, а подоцна бил ставен под контрола. На видеото што го објавија пожарникарите, може да се видат противпожарни екипи на скали кои се обидуваат да стигнат до горните катови на болницата додека од нив се излева чад, пишува АП.
Тиволи, кој се наоѓа на околу 35 километри од Рим, е популарна туристичка дестинација. Најпознат е по археолошките локалитети Вила д’Есте и Вила Адријана, од кои и двете се места на светско наследство на УНЕСКО.