Неколку лица се повредени, а една 16-годишна девојка им подлегнала на здобиените рани, откако напаѓач избодел луѓе со нож во селото Инисвен во близина на Трoрки во јужен Велс, јавуваат британските медиуми.
Според некои извештаи, нападот се случил во кинески ресторан, а сведоци од локалните жители изјавиле дека виделе ранети луѓе.
Полицијата потврди дека во текот на денот интервенирале во „сериозен инцидент“, но не откри повеќе детали. Во кусата изјава, се вели само дека во нападот „има одреден број настрадани“.
На луѓето во близина им беше кажано да не се приближуваат до местото каде се случил инцидентот, а 20 до 30 амбулантни и полициски возила биле видени во околината, според сведоците.
Засега не се знаат мотивите за нападот, ниту какви било детали за сторителот.