Деветмина Палестинци се денеска повредени, а уште најмалку десетмина се уапсени, по судирите со израелската полиција во источниот дел на Ерусалим, најсилните .
Околу илјада Палестинци се собраа денеска по молитвата пред џамијата Ал Акса, трета по значење во исламскиот свет, носејќи палестински знамиња и извикувајќи „Бог е голем“.
Некои од демонстрантите фрлале камења кон полицијата, кои ги чувале влезовите на храмот.
Во полициското соопштение се наведува дека неколку десетици млади луѓе го нарушиле редот и почнале да гаѓаат со камења. Тројца од повредените Палестинци се хоспитализирани.
Полицијата ги растерала со гумени куршуми, шок бомби и употребила физичка сила, соопшти палестинската Црвена полумесечина.