Десетици илјади луѓе протестираа ширум Германија денеска против екстремно десничарската партија AfD и нејзината радикална идеологија, што доведе до демонстрации од ретко видени размери веќе една недела. Толку многу луѓе се собраа во Минхен што планираниот марш низ улиците на главниот град на Баварија мораше да биде прекинат.
Организаторите тврдат дека на повикот за протест се одзвале 50.000 луѓе, што е двојно повеќе од пријавениот. Според други проценки, на улиците на Минхен излегле околу 200.000 луѓе, а полицијата проценила дека таму има околу 100.000 луѓе, пишува Sueddeutsche Zeitung.
Учесниците на маршот носеа транспаренти на кои пишуваше „Нацисти, заминете“. Во саботата на улиците на германските градови излегоа околу 250.000 луѓе, според проценката на ТВ мрежата АРД. Во Франкфурт 35.000 луѓе маршираа низ центарот на градот за „одбрана на демократијата“.
Police estimate 50,000 people protested against right-wing extremists in Hamburg, Germany after a report of a plot to deport millions of immigrants. The right-wing AfD party, in second place nationally, has denied ties to the extremists, according to NPR.pic.twitter.com/I3pmSD0agB
— Keith Boykin (@keithboykin) January 21, 2024
Покани за собирот во недела беа испратени до четириесетина поголеми германски градови, како Берлин, Минхен и Бон, но и до нешто помали градови и населени места. Протести беа организирани и во Дрезден, главниот град на Саксонија, упориште на антимигрантската партија Алтернатива за Германија (AfD).
Во неделата во Келн се собраа околу 70.000 луѓе, а во Бремен, според локалната полиција, во центарот на градот имало околу 45.000 демонстранти.
Толку голем одзив е доказ дека откритието на медиумската компанија Correctiv објавено на 10 јануари за состанокот на екстремистите одржан во Потсдам е шок за Германците. Тогаш се дозна дека во ноември екстремистите ковале план за масовно протерување на имигранти и странци.
Во своите коментари, министерката за внатрешни работи Ненси Фезер отиде дотаму што им кажа на новинарите дека состанокот ја потсетил на „страшната конференција во Ванзе“ во 1942 година, каде што нацистите планирале истребување на европските Евреи. На состанокот, меѓу другите, присуствуваа и членовите на АфД и иконата на идентитаризмот, 29-годишниот Мартин Селер, кој го нарекуваат и Џастин Бибер од радикалната десница.
На средбата тој презентирал предлог за враќање во Северна Африка на до два милиони луѓе – баратели на азил, странци и германски државјани кои нема да се асимилираат, објави Коректив.
Откритието ја потресе Германија, додека АфД сè уште оди добро на анкетите, само неколку месеци пред да се одржат три важни регионални избори на истокот од земјата.