Првите полски тенкови Леопард 2 и официјално беа испорачани во Украина, објави Јуан Мекдоналд од Новиот глас на Украина, кој објави видео од предавањето на социјалните мрежи.
На видеото се гледаат полскиот премиер Матеуш Моравјецки и неговиот украински колега Денис Шмихал на непозната локација во Украина. Официјалното предавање на првите Леопарди доаѓа откако полскиот премиер вчера потврди дека на Украина и биле испорачани четири тенкови.
Video of the formal handover of the first Polish Leopard 2A4 tanks to Ukraine. They're now part of Ukraine's 4th Tank Brigade. pic.twitter.com/q36Fco8z9Z
— Euan MacDonald (@Euan_MacDonald) February 25, 2023
„Полска и Европа стојат покрај вас. Дефинитивно нема да ве оставиме, ќе ја бодриме Украина до целосна победа над Русија“, рече Моравјецки стоејќи покрај Зеленски за време на неговата посета на Киев.