Американскиот актер Еди Хасел кој беше застрелан во неделата во Тексас им подлегна на повредите добиени од огнено оружје.
Веста за смртта на актерот ја пренесоа американските медиуми.
Според објавата на „Њујорк Тајмс“, актерот бил застрелан пред станот на неговата девојка во Гранд Прери, предградие на Далас, во неделата околу еден часот.
Портпарол на Хасел за весникот изјави дека актерот бил застрелан во стомакот по што веднаш бил однесен во блиската болница, каде и починал.
Хасел се прослави со улогите во филмот „Децата се добри“, номиниран за Оскар во 2010 година и ТВ серијата „Површина“ која беше прикажувана на „Ен-Би-Си“.
Тој глумеше и во филмовите: „2012“, „The Family Tree“, „Jobs“, „Warrior Road“ и „Bomb City“.