Во метро станицата Шуман во бриселскиот кварт во близина на седиштето на европските институции маж со нож ги нападна присутните.
Неколку лица се повредени, но полицијата брзо успеала да го уапси насилникот.
Knife attack on the Brussels metro.
1 stabed, a lot of panick, slow police respons.#brussels #schuman #metro #knife #attack pic.twitter.com/7bbUE71asX— Zoran Popovici (@zoran_popovici) January 30, 2023
Човекот го започнал нападот со нож додека бил во вагон во метрото пред да истрча низ станицата обидувајќи се да ги нападне присутните, изјавија неколку очевидци.
Еден млад човек е тешко повреден, а неколку од нив се здобиja со полесни расекотини. На местото веднаш пристигнале бројни полицајци и две возила на брза помош.
Човекот не бил на списокот за следење на Единицата за координација за анализа на закани, која ги следи терористичките активности во Белгија и не е познат на разузнавачките служби на Државната безбедност. Како таков, веројатно може да се исклучи терористички акт, пишува brusselstimes.
Врз основа на однесувањето на мажот, набљудувачите шпекулираа дека тој страда од психолошки проблеми.
Во меѓувреме, персоналот кој работи во Европската комисија доби безбедносно предупредување да ја избегне областа на метро станицата Шуман.
Станицата во моментов е затворена по наредба на полицијата, а метрото е во прекин, соопшти бриселското јавно сообраќајно претпријатие СТИБ.