Унгарскиот премиер Виктор Орбан денеска пристигна во посета на Киев, негова прва од почетокот на војната во Украина, каде ќе се сретне со украинскиот претседател Володимир Зеленски.
Посетата на Орбан следи еден ден откако Унгарија го презеде претседавањето со ЕУ.
Орбан ќе се сретне со Зеленски и други високи претставници во Киев само неколку дена откако двајцата разговараа на самитот на ЕУ во Брисел.
Hungarian Prime Minister Viktor Orbán arrived in Kyiv in the morning for talks with Volodymymyr Zelenskyy, the spokesman for the head of the Hungarian government, Bertalan Havasci, has said. Yesterday, Budapest took over the EU presidency for six months.
This is the first visit… pic.twitter.com/xlon9fEqC2
— NEXTA (@nexta_tv) July 2, 2024
Како што пренесуваат странските агенции, Орбан, кој е најблискиот сојузник на рускиот претседател Владимир Путин меѓу лидерите на ЕУ, често се спротивставува на многу иницијативи на Брисел за поддршка на Украина во одбраната од руските напади.
Оваа година, по неколкунеделно противење, Унгарија заедно со другите членки на ЕУ ја поддржа помошта од 50 милијарди евра за Украина.
ЕУ ги отвори преговорите за членство со Украина минатата недела.