Најмалку пет лица загинаа, 20 се водат за исчезнати, а девет се тешко повредени кога карпа се урна врз моторни чамци под водопад во југоисточниот дел на Бразил.
URGENTE!!! Pedras se soltam de cânion em Capitólio, em Minas, e atingem três lanchas. pic.twitter.com/784wN6HbFy
— O Tempo (@otempo) January 8, 2022
Камениот блок ненадејно се одвоил од ѕидот на кањонот и се урнал врз неколку чамци, предизвикувајќи огромен бран над езерото Фурнас во регионот Капитолио, во државата Минас Жераис, соопштија локалните власти, пренесува Ројтерс.
Видеото кое кружи на социјалните мрежи го покажува моментот кога голем блок од камења се урна во водата, а во несреќата потона најмалку еден чамец.
Властите соопштија дека пожарникарите и нуркачите трагаат по 20 лица за кои се верува дека се исчезнати.
Потврдено е дека во таа несреќа се повредени најмалку 32 лица, а меѓу нив 23 лица се пренесени во Санта Каса де Капитолио со полесни повреди и веќе се пуштени од болница, наведува АП.
Езерото Фурнас, познато и како „Минасово море“, е популарна туристичка дестинација во област околу 420 километри северно од Сао Паоло.