ВИДЕО: Објавена снимка од самиот почеток на огромна експлозија во иранско пристаниште

Од:

Првите моменти од пожарот што доведе до огромна експлозија во иранското пристаниште во градот Бандар Абас на југот од земјата беа објавени на социјалните мрежи.

На објавеното видео може да се види силен пламен и портокалов чад и луѓе како бегаат, по што следува силна експлозија.

Во експлозијата беа повредени повеќе од 500 луѓе, а според првите податоци објавени од Иранската црвена полумесечина, загинаа најмалку четири лица.

Државната телевизија објави дека „небрежноста при ракување со запаливи материјали била фактор што придонел“ за експлозијата.

Нафтените постројки не беа погодени од експлозијата, а Националната иранска компанија за рафинирање и дистрибуција на нафта издаде соопштение во кое се вели: „Експлозијата и пожарот во пристаништето Шахид Раџаи немаат никаква врска со рафинериите, резервоарите за гориво, дистрибутивните комплекси и нафтоводите поврзани со оваа компанија“.

Израелските медиуми објавија, повикувајќи се на воени извори, дека оваа земја не била вклучена во експлозијата, која се случила во време на значителни тензии.

Пристаништето Шахид Раџаи е голем ирански контејнерски терминал кој годишно обработува 80 милиони тони стока, а исто така опслужува и танкери за гориво и рафинерии.

Би можело да ве интересира

Министерство за здравство на Газа: Досега 289 Палестинци починале од глад

Хамнеи: Ситуацијата со Америка е нерешлива

(ВИДЕО) Најмалку едно лице загина во експлозија во продавница за играчки во Москва

Демонстрантка e уапсена на антивоени протести во Тел Авив

Пакпур: Израелскиот режим ќе добие поразорен одговор

Бројот на жртви во Газа достигна 62.600, 34 Палестинци се убиени денес