Украинската војска објави снимка од воздух за која тврди дека покажува уништен конвој со руска војска и други возила како бега од источниот украински град Лиман.
На видеото се гледаат уништени возила и тела на руски војници, убиени во украинскиот напад.
Руското Министерство за одбрана вчера потврди дека руските сили се повлекле од тој стратешки важен град во регионот на Доњецк, а украинскиот претседател Володимир Зеленски денеска потврди дека Лиман е „целосно исчистен“ од руските сили.
Украинскиот гувернер на окупираната област Луганск, Серхи Хајдај, изјави дека ослободувањето на Лиман е „клучен фактор за претстојната деокупација на Луганск“.