Сакајќи да им се заблагодари на сите што ја водеа неговата кампања, при крајот на петминутното обраќање во еден момент почнаа да му течат солзи, а гласот му затрепери.
„Горд сум на вас”, изјави Обама бришејќи ги солзите.
Волонтерите на ова одговориле со гласен аплауз.
Аналитичарите се изненадени од ваквото ретко покажување на емоции од инаку ладниот Обама.
Според поранешниот уредник на телевизијата ЦБС Ден Редер, ова е единствен случај во историјата на американските претседатели.
“Не знам ниеден претседател или светски лидер кој јавно покажал ваква ранливост”, изјавил Редер.