Најмалку три лица се повредени во руски напад со дронови врз Киев во текот на ноќта, соопшти украинската Државна служба за вонредни ситуации.
Во нападот се погодени неколку делови од градот. Во областа Оболонски избувна пожар во станбена зграда со 12 ката, при што пламенот зафати дел од вториот до петтиот кат. Пожарот е локализиран на површина од околу 80 квадратни метри, а тројцата повредени добија медицинска помош.
Во областа Подилски е погоден нестамбен објект, каде што гаснењето на пожарот продолжува. Надлежните служби се на терен и ги утврдуваат сите последици од нападот.
🇺🇦😭😭Strikes on Kyiv! 8 minutes of terrifying footage! pic.twitter.com/98E9vv3kDf
— Mykhailo Rohoza (@MykhailoRohoza) August 30, 2026
По новите напади, во Киев и во повеќе украински региони се активирани сирените за воздушна опасност. Предупредување има и во делови од Киевската, Черниговската, Сумската, Харковската, Дњепропетровската и Миколаевската област.
Во текот на претходниот ден Киев исто така беше цел на руски напади, при што беа повредени осум лица, а три завршија во болница.