Најмалку едно лице загина, а неколку други се повредени во судир меѓу два воза во близина на Бедфорд, во југоисточна Англија, соопшти денес Британската транспортна полиција.
🆕 UPDATE on two passenger trains collided south of Bedford station (UK):
The camera pans unsteadily through the carriage.
Passengers are standing, moving around, and helping each other.
Visible blood on some people's arms, hands, and clothes.
Seats are messy with…
— Bella (@stockbella) June 19, 2026
„Свесни сме дека голем број луѓе се повредени, а едно лице за жал почина. Прогласена е вонредна состојба и полицајците продолжуваат да присуствуваат на местото на настанот, заедно со колегите од полицијата во Бедфордшир и локалните противпожарни, спасувачки и итни медицински служби“, се вели во соопштението на полициската служба одговорна за железницата во Велика Британија, објави Би-Би-Си.
30 амбулантни возила и пет медицински хеликоптери им помагаат на повредените патници на местото на настанот. Се верува дека првиот воз застанал поради дефект на безбедносниот систем, а потоа вториот воз се судрил со задниот дел од првиот воз, објави претходно Британскиот телеграф. Во болницата во Бедфорд им било кажано да се подготви за најмалку 50 повредени лица и дека сите лекари треба да бидат во состојба на готовност. Сите железнички линии во тој дел од Велика Британија се затворени, а Националната железничка служба соопшти дека „на патниците им се советува да не патуваат“.
BREAKING: First video from the scene after two high-speed trains collided near Bedford, England. pic.twitter.com/PywVMNGgL4
— Scope Report (@ScopeReport_) June 19, 2026
Според евиденцијата за железничкиот сообраќај, прегледана од „Телеграф“, судирот се случил кога воз од Корби удрил „во задниот дел од воз од Нотингем“, околу 3,5 километри јужно од станицата Бедфорд.
Министерката за транспорт на Велика Британија, Хајди Александар, во објава на „X“ изјави дека е „длабоко загрижена од извештаите за судир меѓу два патнички воза на „Ист Мидлендс Рејлвеј“.