Иранскиот напад врз Израел со 300 беспилотни летала, крстаречки и балистички ракети заврши без сериозни последици, бидејќи огромното мнозинство од нив беа пресретнати и соборени. Израелската војска објави дека „повеќето“ беспилотни летала и ракети биле пресретнати од системот за противвоздушна одбрана и „во соработка со стратешките сојузници на Израел пред заканите да стигнат до израелска територија“.
Iran cruise missiles over Jerusalem
War is the greatest failure of human civilisation
You are in which side??
RT for #Israel
Like for #Iran
pic.twitter.com/7VVbhcZvX2— 𝕃𝕖𝕠🚬 (@JABTakHainJan) April 14, 2024
Мал број проектили земја-земја го погодија Израел, при што беше повредено едно девојче. Оштетена е и воена инсталација на југ. Иран во саботата вечерта лансираше низа беспилотни летала и проектили кон Израел, како одмазда за израелскиот напад врз иранскиот конзулат во Дамаск, во кој загинаа седум офицери на Револуционерната гарда. Тоа беше првиот директен напад на Иран врз Израел од негова територија во историјата.
Во Израел беше прогласена тревога за воздух, се слушаа сирени и експлозии, но главно тоа беа звуците на пресретнување и соборување на иранските дронови. Заедно со израелските сили, во ова учествуваа и британски, американски и јордански авиони кои соборија ирански беспилотни летала над Сирија, Ирак и Јордан.
Би-би-си пишува дека Иранците веројатно сакале да ја оптоварат противвоздушната одбрана на Израел со евтини беспилотни летала за крстаречките и балистичките ракети да имаат поголеми шанси да ги погодат своите цели. Ова е тактика која веќе е видена во Украина. „Израел, сепак, не е Украина. Воздухопловните сили на Израел се многу способни. Згора на тоа, Израел има различни противракетни системи кои тешко се совладуваат, а освен тоа им помагаат американски и британски авиони“, пишува Би-Би-Си.
BREAKING NEWS: IRAN ATTACKED ISRAEL HEAVILY 🔥 #TelAviv THOUGHT #ایران IS JUST GOOD WITH WORDS & WONT ATTACK, BUT IRON DOME IS GOING DOWN COURTESY Iran#WorldWarIII #WWIII #Iran #Russia #China
— Minha (@Minha2936) April 14, 2024
Иран соопшти дека со оваа акција одмаздата за нападот може да се смета за завршена. „Во случај израелскиот режим да направи уште една грешка, одговорот на Иран ќе биде значително поостар“, се вели во објавата на иранската мисија во ОН на социјалната мрежа „Х“. држете се настрана“, се заклучува.
Израелските медиуми сепак пишуваат дека може да се очекува израелски одговор. И тоа значајно. Израелскиот премиер Бенјамин Нетанјаху се консултира со својот потесен круг министри за тоа како да одговори, пишува Хаарец. Американскиот претседател Џо Бајден, кој во петокот го предупреди Иран да не го нападне Израел, откако рече дека таквото сценарио се чини неизбежно, вети дека ќе застане со Израел против Иран, соопшти Белата куќа.
Бајден и Нетанјаху разговараа телефонски утрово. Денеска попладне, пак, на барање на Израел ќе се одржи седница на Советот за безбедност.