Најмалку шест лица се тешко, а над 200 полесно повредени денеска во верижен судар на над 100 возила на мостот во Кент, јавија британските медиуми.
Несреќата се случила нешто по седум часот по локално време поради густата магла на мостот „Шипи“.
Портпаролот на полицијата во Кент соопшти дека видливоста претставувала проблем, но дека засега не е јасно дали маглата е причина за несреќата, пишува „Гардијан“.
„Мирор“ објави дека шест лица се тешко, а 200 полесно повередени во несреќата.