Руската телевизија НТВ емитуваше снимка на која според медиумот се гледа како оперативци на ЦИА работат во Москва. Телевизијата на снимката прикажа како брзо се преоблекуваат и се маскираат.
Снимката е правена од февруари до март годинава, и совен вработените во контраразузнавачката служба до сега никој ја немал видено.
Руската служба ги следела двете жени, за кои подоцна утврдила дека биле американски шпиони и дека “нивната прошетка по рестораните резултирала со внимателно изведени перформанси“ истакнува медиумот.
И додека работата на оперативците е тајна, како во случајот Рајан Фогле уапсен во 2013 година во Москва, и Ана Чепман уапсена во 2010 година во Њујорк, во овој случај е интересно според НТВ што се утрвило дека едниот од нив белец се маскирал во црнкиња користејќи маска и неколку слоеви гардероба.
Идентитетот на агентите бил откриен благодарение на камерите кои се поставени во речиси сите ресторани.
На нив според телевизијата се гледа како Роберт Хајнс, Тимоти Финеган и Стивен Чисхолм се вешти во маскирањето.
Најнеобична трансформација се случила во тоалетот на еден ресторан каде се менуваат маските и периките.
Според информациите на руската служба, во текот на годинава биле спречени активностите на 290 странски агенти.
-Тоа нужно не значи дека ќе бидат уапсени. Може да бидат депортирани преку дипломатските канали или да се применат поинакви методи за сузбивање на нивните активности, посочуваат од телевизијата НТВ.