Францускиот претседател Емануел Макрон денес ги отстрани членовите на израелската полиција од црквата Света Ана во стариот дел на Ерусалим, која според меѓународни правила е француска територија.
На снимките од инцидентот се гледа видно лутиот Макрон кој повикува на усогласеност. „Сите ние ги знаеме правилата. Не ми се допаѓа тоа што го направивте пред мене. Излезете“, рече Макрон, но останува нејасно што предизвика неговата остра реакција.
На видеото се гледа како Макрон се обраќа на израелската полиција велејќи дека направиле одлична работа во градот, барајќи од нив да се придржуваат кон правилата што постојат со векови, па француските медиуми посочуваат дека влегувањето на израелските безбедносни службеници е причина за неговото незадоволство.
"I don't like what you did in front of me. Go outside. Nobody has to provoke nobody".
French president Emmanuel #Macron erupted into a rage at Israeli police on a visit to #Jerusalem ⤵️ pic.twitter.com/CqA37akanW
— FRANCE 24 English (@France24_en) January 22, 2020
Сличен инцидент се случи во 1996 година кога тогашниот претседател на Франција Жак Ширак побара од припадниците на израелските безбедносни сили кои носат оружје да излезат од црквата Света Ана.
Макрон во Ерусалим учествува на Петтиот светски форум за холокаустот, што се одржува денес и утре.