Британската кралица Елизабета Втора попладнето приреди прием за лидерите на Групата седум најразвиени индустриски земји во светот, кои одржуваат самит во Корнвол, на југот на Англија.
95-годишната владетелка пристигна на приемот заедно со семејството – нејзиниот син Чарлс и неговата сопруга Камила, како и внукот, принцот Вилијам и неговата сопруга, принцезата Кејт.
Приемот за светските лидери е првиот поголем јавен настан на кој присуствува кралицата Елизабета Втора откако нејзиниот сопруг, принцот Филип, почина во април.
Таа на приемот за првпат се сретна со американскиот претседател Џо Бајден, кој инаку е 13-от претседател на САД кој го запознала во текот на нејзините безмалку 70 години на британскиот трон.